04.07.2026 (#visitsetomaa hashtag on Instagram)
XXIX KUNINGRIIGI PÄIV 6. AUGUST 2022, LUHAMAA
♦ 33 aastakka Seto Kuningriike ♦
Lääme´ aoh tagasi, kaemõ` perrä ni` annamõ´teele tiidä` kuimuudu tetti Seto Kuningriiki 33 aastakka tagasi.
𝐊𝐮` 𝐬𝐚𝐭𝐚𝐬, 𝐬𝐢𝐬 𝐥𝐞𝐞𝐥𝐨𝐭𝐚𝐦õ` 𝐯𝐢𝐢𝐥𝐠𝐢 𝐩𝐚𝐫𝐞𝐦𝐛𝐢𝐡𝐞.
Ollimõ´ õks pallõlnu` Pekot, õt ta meele hüä ilmakõsõ saadasi´, a` vot ilm säädse hindä õks nii kuis timä tahtmine. Kuningriigi Päiv Luhamaal kai är`, ku` vindsõ` setokõsõ´ ni´radotaja´ ommava`. Hummõk näüdäs pääväpaistõt, a´ tsuut ildamp naas´ sado pääle, miä jäi tervest pääväst. Maakõnõ läts pehmembäs, rõiva` linalikõs. Plaani perrä säet asjatamine naas´ vimmümä. Ummõhtõgi jää-äs` midägi tegemäldä, asi jää-äs ajamalda. Ku` tull´ saokõnõ, mindääs lakja- leelotõdi edesi, karadi edesi ni` rahvas oll` ütitselt kuuh.
Aastagal 2022 sorditi vällä Ülembsootskas 👑 illos ni` hootka naane 𝐆𝐨𝐦𝐨𝐳𝐨𝐯𝐚 𝐀𝐧𝐳𝐞𝐥𝐢𝐤𝐚, nuursootskas tragi ja virk 𝐒𝐚𝐚rõ𝐤𝐢𝐯𝐢 𝐊𝐚𝐭𝐚𝐫𝐢𝐧𝐚-𝐋𝐞𝐞. Kuninga piiragumeistri krooni sai hindäle jo` mitmõndat kõrda 𝐋𝐢𝐧𝐧𝐮𝐬𝐞 𝐌𝐚𝐫𝐣𝐞.
Luhamaal, Kuningriigi Pääväl, tetti rahvalõ tutvas üts ilmaduillos, kultuuriline, suur ni´ väkev lavatüü ,,𝐒𝐞𝐭𝐨 𝐎𝐝ü𝐬𝐬𝐞𝐢𝐚” @setoodysseia . Tuu sai olõma sääne lavatükk, koh om seto kultuuri, tiatrit, palljo muusigat ni´ tandsolüümist. Vihma tull` kui tsirinellä´, a´ rahvas kai ni` imeht. Seost jakku niipalljo, õt parhilla´ om seo lavatükk tuhandil kaetu ni´ tuhandilõ süämehe lännü` ni´ jäänü`. Timahavvagi` mängitäs taad tükkü viil, Luhamaal. Kiä viil kaenu` olõ-õi´, tuu haardku` aigu ni` kaegu` är` , saa suvõkõnõ kirklikumb.
Nigu eis´ Seto Kuningriik, niimuudu ka´,,Seto Odüsseia” kand edesi tuud, miä om seto rahvalõ kõgõ tähtsämp - kiil, leelo, kombõ`, perimüs, kokkohoitmine ni` hindätiidmise vägi.
Ku`päiv jäl jumalihe vajju, olõ-õs inämb tähtsä, kas läts õks kõik plaaniperrä. Tähtsä oll` tuu, õt rahvas tull` jäl´ kokko, õt leelo kumisi läbi sao ni` süä oll` heldüst täüs.
2022 aastaga Seto Kuningriik tunnist tuud, õt ku´ om ka tsuut vigurlinõ vai rassõmb olõmine, sis püsüs süämeh õks tuu, miä Seto rahvalõ kõgõ tähtsämp om. Vägi oll´ miika`.
Foto: Harri A. Sundell
#setokuningriik2026 #visitsetomaa
_UqkApr8l.jpg)
.png){kind=logo}
.jpg)