26.06.2026 (#visitsetomaa hashtag on Instagram)
XXVIII KUNINGRIIGI PÄIV 7. AUGUST 2021, LOBOTKA
♦ 33 aastakka Seto Kuningriike ♦
Lääme´ aoh tagasi, kaemõ` perrä ni` annamõ´teele tiidä` kuimuudu tetti Seto Kuningriiki 33 aastakka tagasi.
Ü𝐭𝐬 𝐩𝐫𝐚𝐚𝐬𝐧𝐢𝐤, ü𝐭𝐬 𝐫𝐚𝐡𝐯𝐚𝐬, ü𝐭𝐬 𝐯𝐢𝐢𝐯𝐚̈𝐠𝐢
Seol Kuningriigi aastagal oll ́ väegalt tunda` jäl ́ kokkosaamise illo ni` süämest kimmäst tiidmist, õt Seto Kuningriik om kõõlõ Setomaa rahvalõ, kõõlõ kogokunnalõ kogoni ́ ni` ilmadu tähtsä asi. 👑 Ülembsootska amõti haard` hindäle iloline 𝐕𝐚𝐛𝐚𝐫𝐧𝐚 𝐉𝐚𝐧𝐞, a ́ nuursootskas sai 𝐎𝐨𝐩𝐞𝐫𝐢 𝐑𝐚𝐢𝐧.
Aastagal 2021 peeti Seto Kuningriiki aol, ku` kiäki ́ tiiä-äs ́ , kohepoolõ ilmaelo käändüs, kuimuudu ilmast naatas hamatsõmma. Ummõhtõgi korjuva ́ setokõsõ ́ ni` Setomaa sõbrakõsõ ́ jäl kokko. Pääväkene näüdäs kistumalda` klaari olõkit, õt Seto Kuningriik om õga seto süämeh, õt Seto Kuningriik pand õga seto süäme tukkama.
Seol aastagal oll ́ kõgõ inämb praasnigul nätä ́ nuuri ni ́ latsi paigapääl olõmist. Väiko- Kuningriik vai tõisisõnno latsipäiv sündü õkvalt suurõ Seto Kuningriigi seeh. Tuu oll` väegalt viieperäline, ni ́ nä ́ saiva olla ́ perüs pidopaiga keskkotsil.
Seol aastagal sündü Seto Kuningriigi paraadil midägi säänest, midä Setomaa rahvas olõ-õs uma silmäga nännü` ni` kõrvaga kuulnu`. Vesi kirkeli päivpõrõhõh, lainõkõsõ ́ kanniva ́ ilosõnnu ni ́ Peko tahtmise perrä näüdäs Setomaa rahvalõ umma väke Seto Kuninglik Viivägi. Seo kõik sündü Verska lahe veereh ilosa Lobotka külä man. Seo kõik oll ́ ilmadu illos ni` and ́ rahvalõ mõista` - õt om meil õks viivägi loonatark, sõavägi kavval meil kundsõni`. Avvu!
Aol ku` päiv läts jumalihe, sai õga setokõsõ ni ́ sõbrakõsõ süämekene tunda ́, õt Seto Kuningriik om õgalõ ütele suurõmb asi ku ́ õnnõ ütekõrraline kokkosaamine. Seto Kuningriik om mi ́ süäme tuksõ`, mi` hinge vägi ni` mi` avvu kandja.
Avvu Seto Kuningriigilõ!
Foto: Harri A. Sundell
#setokuningriik2026 #visitsetomaa
_UqkApr8l.jpg)
.png){kind=logo}
.jpg)